سرائے مولا | Sarai Maula

سرائے مولا
شیخ ابوالحسن خرقانی کے منتخب احوال و اقوال کی منظوم ترجمانی
بقلم: پروفیسر ڈاکٹر معین الدین نطامی
192 :صفحات
سرائے مولا “،ہزار سال قبل کے ایک عظیم ایرانی صوفی شاعرشیخ ابوالحسن خرقانی جو تصوف میں بہت بڑا نام ہیں
،نقشبندی سے تعلق ہے ۔ انکے مفروضات اور گفتگو کو آزاد نظم میں ترجمہ کیاہے ،تاکہ شیخ صاحؓ کی خدمت خلق، انسان
دوستی ،، خداسے محبت کا درس عام کیا جاسکے۔
سرائے مولا

(نذرِ شیخ ابو الحسن خرقانی)

ابوالحسن کی سرائے
سرائے مولا ہے
سدا کُھلا ہی رہے اس کا صدر دروازہ
نہ قیدِ وقت ہو کوئی، نہ شرطِ موسم ہو
نہ امتیازِ مذاہب، نہ اختصاصِ نَسَب
نہ اختلافِ طریقہ، نہ اتحادِ روش

کوئی مسافرِ خستہ، کوئی حقیر فقیر
حدودِ خانقہی میں نہ اجنبی ٹھہرے
کہ میہمان ہمارا، خدا کا مہماں ہے
وہ اِس طرف کو چلا آیا، اس کا احساں ہے

نہ پوچھیے گا کہ وہ کون ہے
کہاں سے ہے
نہ دیکھیے گا عقیدہ
نہ جانچیے گا عمل
جو ماحَضَر بھی میسّر ہو، پیش کیجیے گا
خدا نے جان عطا کی ہے جس بھی انساں کو
ابوالحسن کو یہ زیبا نہیں
خدا کی قسم
کہ اُس وجودِ مبارک سے، اپنے آنگن میں
نمک دریغ رکھے
نان بھی نہ پیش کرے