shamail e mustfa (SAW) | شمائل مصطفیٰ ﷺ

محبوب رب العالمین، سیدالاولین و الآخرین حضور نبی اکرم ﷺ کے ذکر جمیل سے بڑی سعادت کیا ہوسکتی ہے! ایک امتی کی سب سے بڑی خوش بختی یہ ہے کہ اسے ذکر نبی ﷺ کی توفیق مل جائے، آپ ﷺ باعثِ تخلیقِ کائنات بھی ہیں ابتدائے کائنات بھی ہیں اور منتہائے کائنات بھی ہیں۔ لہذا کائنات کے اختتام تک اور اس کے بعد بھی آپ ﷺ کے حسین ذکر کا زمزمہ کسی نہ کسی پیرائے میں جاری رہے گا۔

شیخ الاسلام ڈاکٹر محمد طاہرالقادری کی اِس تالیف میں حضور ﷺ کے حسن و جمال، سراپائے دلنواز، آپ ﷺ کی عادات مبارکہ، عبادات، دعوات (جامع دعائیں)، معمولات (زہد و ورع) اور برکات مصطفیٰ ﷺ کو ایمان افروز اسلوب اور مستند حوالوں کے ساتھ بیان کیا گیا ہے۔ کتاب کا اندازِ تحریر اس قدر سادہ، منظم اور دلکش ہے کہ اس کو پڑھتے ہوئے قاری یوں محسوس کرتا ہے جیسے رسالت مآب ﷺ کا پیکرِ حسن و جمال اپنی آنکھوں سے دیکھ رہا ہے۔