wasti Asia main Ismaeeli dawat- وسطی ایشیاء میں اسماعیلی دعوت

عرض مولف

اس تحقیقی مقالے میں وسطی ایشیا میں دوسری صدی ہجری سے آٹھویں صدی عیسوی کےوسط سے پانچو میں صدی ہجری گیارھو میں صدی عیسوی کے آخر تک ( یعنی تقریبا سوا تین سوسال )کی اسماعیلی دعوت کا تاریخی جائز ولیا گیا ہے ۔ اس مقالے کوکل چھ ابواب میں تقسیم کیا گیا ہے ۔
باب اول میں وسطی ایشیا و ایران میں اسماعیلی دعوت کا ایک عمومی جائزہ لیا گیا ہے۔
اس باب کے شروع میں وسطی ایشیا کے جغرافیے سے بحث کی گئی ہے اور یہ واضح کیا گیا ہے کہ ازمنہ
وسطی میں وسطی ایشیا کی جغرافیائی حدود آج کے وسطی ایشیا سے کہیں زیادہ وسیع تھیں ۔ اس قدیم وسطی ایشیا میں ، جسے عرب جغرافیہ دانوں کے مطابق’’مشرق‘‘ بھی کہا جا تا ہے ، جدید ایران ، آج کا وسطی ایشیا ،موجودہ عوامی جمہوریہ چین کا مغربی صوبہ سنکیا نگ ، افغانستان اور پاکستان کے شمالی علاقے یعنی گلگت- بلتستان اور چترال شامل ہیں ۔اسی وسیع تر وسطی ایشیا کو بنیاد بنا کر یہ مقالہ تیار کیاگیا ہے۔اس باب میں اسلام سے قبل کے وسطی ایشیا کے مذہبی اور سیاسی حالات بھی بیان کئےگئے ہیں ۔ نیز اسلام میں دعوت کی اہمیت مسلمانوں کے ہاتھوں ایران اور وسطی ایشیا کی فتوحات
اور یہاں پر دعوت کا آغاز ، اورافغانستان و چینی ترکستان میں اسلام کی دعوت پر بحث کی گئی ہے ۔
باب اول کے دوسرے حصے میں ایران اور وسطی ایشیا میں شیعیت کی ابتدا و ارتقاء کاایک اجمالی جائزہ لیا گیا ہے اور بتایا گیا ہے کہ شیعہ مذہب کی ابتدا کس طرح ہوئی ؟ بیکن تاریخی مراحل سے گذرا؟ شیعہ عقائد کی علمی بنیادوں پر کس طرح تدوین ہوئی ؟ نیز ایران اور وسطی ایشیا میں شیعیت کی دعوت و اشاعت کو بھی زیر بحث لایا گیا ہے۔
باب دوم میں دوسری صدی ہجری آٹھویں صدی عیسوی کے نصف آخر میں اسماعیلی دعوت کے آغاز پر بحث کی گئی ہے۔ اس کے شروع میں اسماعیلی ۔۔فرقے کے تاریخی پس منظر ،اسماعیلی نظام دعوت ، اور اس کے مراتب ومجالس کے متعلق سیر حاصل گفتگو کی گئی ہے