Aurangzeb Alamgir اورنگ زیب عالمگیر | رئیس احمد جعفری

اورنگ زیب عالمگیر

رئیس احمد جعفری
ہندوستان پر حکومت غوری نے بھی کی اور ایبک نے بھی، التمش نے بھی اور خلجی نے بھی، تغلق نے بھی اور…بابر، ہمایوں، اکبر، جہانگیر اور شاہجہان نے بھی!
لیکن کسی کا دور حکومت وہ عظمت اور انفرادیت نہیں رکھتا تھا جو قدرت نے اورنگ زیب عالم گیر کے لیے خاص کر دی تھی۔ عالم گیر کا عہد حکومت فتنہ، آشوب،
ہنگامہ و شورش، سرکشی اور بغاوت کے طوفان بدوش واقعات سے لبریز ہے۔ اس عہد میں فتنوں نے زیادہ سے زیادہ سر اٹھایا، آشوب کی کارفرمائی ہر عہد سے زیادہ
رہی، ہنگامے عروج پر رہے، شورش ہر صوبے اور ہر ریاست میں ہوئی، سرکشی اور بغاوت کے لیے چھوٹے اور بڑے کا فرق نہ تھا، جسے موقع ملا، جس نے عالم
گیر کو اپنے سے دور پایا، جسے طالع آزمائی کا شوق ہوا اور سواروں اور پیادوں کی ایک جمعیت لے کر گیا یا میدان میں آیا، کسی قلعہ میں مستحکم ہو کر بیٹھ گیا۔ لیکن
ان حادثات اور واقعات نے عالمگیر کے عزم و استقلال کو ذرا بھی متاثر نہیں کیا! اس کی قوتِ ارادی میں ذرا بھی فرق نہیں آیا۔ ہر تازہ حادثہ اس کے عزم کے لیے مہمیز
کا کام کرتا تھا!