محبت عام کرنا چاہتا ہوں | Muhabbat Amm krna Chahta hun

کتاب: محبت عام کرنا چاہتا ہوں
صنف : شاعری
شاعر : ڈاکٹر عمر قیاز قائل
تبصرہ نگار : محمد اکبر خان اکبر

جب ہم اللہ کی تخلیق کردہ اس عظیم الشان کائنات پر نگاہ ڈالتے تو قوت کشش احسن الخالقین کے تخلیق کردہ ہر فن پارے میں نمایاں ترین
انداز میں سامنے آتی ہے. یہ ابدی کشش جن اجزاء ترکیبی سے نمو پاتی ہے وہ کسی بھی حساس دل میں بدیہی طور پر موجود ہوتے ہیں.
کہنے کو شاعر معاشرے کا حساس ترین طبقہ ہے مگر فی الحقیقت اس طبقے کی حساسیت کی پرتیں کاملیت سے سامنے نہیں آسکی ہیں.
ایک حساس شاعر کا تخلیقی سیاق جو اشعار کی صورت میں ہویدا ہوتا ہے وہ اس کے احساسات کی کاملیت سے ترجمانی نہیں کرتا البتہ
شاعر دھیرے دھیرے اپنی داخلی و خارجی کیفیات کی پرتیں کھولتا چلا جاتا ہے اور یوں اس کے اشعار کی تعداد بڑھی ہی جاتی ہے.
خیبر پختون خواہ پاکستان کا سب سے خوبصورت صوبہ ہے جو بے مثال قدرتی نظاروں سے مالا مال ہے اور اس صوبے کے ادباء
و شعراء بھی بے مثل ادبی ذوق کے حامل ہیں. انہی میں سے ایک ڈاکٹر عمر قیاز قائل صاحب ہیں عمر قیاز قائل صاحب کا تخلیقی شعور
فہم و ادراک کے نئے زاویے روشن کرتا ہمارے سماج کے مختلف رخ دکھلاتا ہے. ان کا کلام رواں، شستہ و رفتہ ہے